Një ngjarje me të shtëna me armë zjarri ka tronditur sot qytetin e Pejës, në rrugën “Wesley Clark”, ku një person dyshohet se ka qenë cak i sulmit.
Ngjarja ka ndodhur rreth orës 11:50, kur Policia e Kosovës është njoftuar për të shtëna me armë zjarri. Sipas informacioneve të deritanishme, fatmirësisht nuk raportohet për persona të lënduar.
I dyshuari pas ngjarjes ishte larguar nga vendi i incidentit, mirëpo më vonë është lokalizuar dhe arrestuar nga Policia e Kosovës. Pas arrestimit dhe intervistimit, Prokurori i Shtetit ka marrë vendim që i dyshuari të ndalohet për 48 orë.
Rasti është duke u trajtuar nga organet kompetente, ndërsa pritet të ketë më shumë detaje lidhur me rrethanat dhe motivin e ngjarjes.
PejaInformation sjell informacione të reja nga Peja dhe rajoni.
