Kryeministri në detyrë dhe lideri i Lëvizjes Vetëvendosje, Albin Kurti, nuk ka propozuar kandidat për kryetar të Kuvendit në seancën konstituive të Legjislaturës së XI-të.
Kurti ka kërkuar kohë për të arritur një marrëveshje politike lidhur me çështjen e presidentit, duke bërë të ditur se konsultimet me partitë politike do të vazhdojnë.
Në seancën e Kuvendit, ku ka nisur procesi i konstituimit të legjislaturës së re, Kurti ka deklaruar se përpara se të hidhen hapa të tjerë, duhet të sigurohet një dakordim për funksionimin e institucioneve të reja.
Ndërkohë, Kuvendi ka nisur procedurat e para të konstituimit, përfshirë formimin e Komisionit të Përkohshëm për Verifikimin e Kuorumit dhe Mandateve, i cili do të shqyrtojë dokumentacionin e certifikimit të rezultateve dhe do t’i paraqesë Kuvendit raportin për vlefshmërinë e mandateve të deputetëve.
