Një rast i dhunës brenda një familjeje është raportuar sot, më 22 shtator 2026, rreth orës 10:30, në rrugën “Musë Tahiri” në Pejë.
Sipas informacioneve fillestare, incidenti ka ndodhur pas një përleshjeje mes disa anëtarëve të së njëjtës familje. Si pasojë e përleshjes, disa persona dyshohet se kanë pësuar lëndime.
Ende nuk dihen rrethanat e plota që kanë çuar deri te incidenti, ndërsa informacionet lidhur me gjendjen e personave të lënduar dhe ndërhyrjen e institucioneve përgjegjëse pritet të bëhen të ditura pas veprimeve të mëtejshme.
PejaInformation do të sjellë informacione të reja lidhur me rastin, nëse konfirmohen nga burimet zyrtare.
