Një aksident i rëndë trafiku ka ndodhur në fshatin Lobozhdë të Komunës së Istogut, ku janë përfshirë tri automjete.
Si pasojë e aksidentit, një person ka humbur jetën, ndërsa gjashtë persona të tjerë kanë pësuar lëndime trupore. Të lënduarit janë trajtuar nga ekipet mjekësore dhe më pas janë dërguar për trajtim në Spitalin e Përgjithshëm të Pejës.
Në vendin e ngjarjes kanë dalë ekipet emergjente, Policia e Kosovës dhe shërbimet përkatëse, të cilat kanë ndërmarrë veprimet e nevojshme.
Njësitet kompetente po punojnë për të sqaruar rrethanat dhe shkaqet që kanë çuar deri te ky aksident tragjik.
