një nxënës është sulmuar fizikisht në hapësirat e hotelit ku po qëndronin nxënësit, konkretisht në pjesën ku ndodhet pishina.
Ngjarja, sipas burimeve, ka ndodhur në prani të një numri të nxënësve dhe personave të tjerë, ndërsa dyshohet se është filmuar edhe nga një prej të pranishmëve.
“Po, ai mund të cilësohet si sulm, por ai është gjë tjetër. Policia është duke u marrë me këtë rast. Ai djali është duke u deklaruar në polici, si dhe kujdestarja e klasës, asgjë më tepër”, tha Kastrati.
I pyetur nëse i dyshuari për sulmin ndaj nxënësit është pjesëtar i stafit arsimor, drejtori Kastrati nuk ka dhënë përgjigje të mëtejshme.
Driton Rugova, zëdhënës i Drejtorisë Rajonale të Policisë në Pejë, ka konfirmuar se lidhur me rastin është arrestuar një person.
“Më datën 01.10.2026 është arrestuar i dyshuari mashkull kosovar, pasi që i njëjti në qytetin e Durrësit, në Shqipëri kishte sulmuar fizikisht një person tjetër, që në këtë rast është viktimë e rastit. Incidenti ka ndodhur gjatë një ekskursioni të shkollës. Pas intervistimit, i dyshuari, me urdhër të Prokurorit është liruar në procedurë të rregullt”, tha Rugova.
Deri tani, nuk ka konfirmim zyrtar nga policia lidhur me identitetin apo pozitën e të dyshuarit në raport me shkollën.
