Peja Information mëson se Vezir Haziraj është i dyshuari për të shtënat me armë zjarri që ndodhën pak më parë në fshatin Orroberd, në zonën e Banjës së Pejës, ku mbeti i plagosur një person.
Sipas informacioneve të siguruara nga Sinjali, i plagosur ka mbetur Dardan Haxhiaj, i cili pas marrjes së ndihmës së parë është nisur me urgjencë drejt Spitalit Rajonal të Pejës për trajtim mjekësor.
I dyshuari për plagosjen, Vezir Haziraj, dyshohet se është larguar nga vendi i ngjarjes dhe aktualisht ndodhet në arrati. Policia ka nisur një operacion për lokalizimin dhe arrestimin e tij.
Në vendin e ngjarjes kanë dalë njësitet policore dhe hetuesit, të cilët po kryejnë ekzaminimet e para dhe po punojnë për zbardhjen e rrethanave që çuan deri te përdorimi i armës së zjarrit.
