Sot do të varroset 49-vjeçari Esat Fejzaj, i cili humbi jetën në një aksident të rëndë trafiku që ka ndodhur paraditen e së hënës në fshatin Bellopojë të Istogut, ku një motoçiklist ka humbur jetën pas përplasjes me një kamion për bartjen e mbeturinave.

Sipas dyshimeve të para të hetuesve, motoçiklisti, derisa po kalonte në një kthesë, ka humbur kontrollin mbi motoçikletën, nuk ka arritur ta mbajë shiritin e tij të lëvizjes dhe ka kaluar në korsinë e kundërt, ku është përplasur ballë për ballë me një kamion për bartjen e mbeturinave që po vinte nga drejtimi i kundërt.

Familjarët kanë njoftuar se lamtumira e fundit për të ndjerin do të bëhet nesër në varrezat e fshatit Bellopojë, duke filluar nga ora 14:00.