Një motoçiklist ka pësuar lëndime trupore si pasojë e një aksidenti trafiku që ka ndodhur sonte në fshatin Novosellë të Pejës.
Sipas Policisë, aksidenti është raportuar rreth orës 22:30, ku të përfshira kanë qenë një veturë dhe një motoçikletë.
Zëdhënësi i Policisë për rajonin e Pejës, Driton Rugova, ka bërë të ditur për Peja Information se motoçiklisti është dërguar në Spitalin Rajonal të Pejës për trajtim mjekësor.
Rastin po e hetojnë njësitet kompetente për të zbardhur rrethanat e aksidentit.
